ವಿಷ್ಣು ಸಹಸ್ರನಾಮ PDF | Vishnu Sahasranamam PDF Kannada

ವಿಷ್ಣು ಸಹಸ್ರನಾಮ PDF | Vishnu Sahasranamam Kannada - Description

ಪ್ರಿಯ ಓದುಗರೇ, ಇಂದು ನಾವು ನಿಮ್ಮೆಲ್ಲರಿಗಾಗಿ ವಿಷ್ಣು ಸಹಸ್ರನಾಮ PDF / Vishnu Sahasranamam PDF in Kannada ಹಂಚಿಕೊಳ್ಳಲಿದ್ದೇವೆ. ವಿಷ್ಣು ಸಹಸ್ರನಾಮವು ಪ್ರಮುಖ ಹಿಂದೂ ವೈದಿಕ ಸ್ತೋತ್ರಗಳಲ್ಲಿ ಒಂದಾಗಿದೆ. ಇದನ್ನು ಭಗವಾನ್ ಶ್ರೀ ಹರಿವಿಷ್ಣುವಿಗೆ ಸಮರ್ಪಿಸಲಾಗಿದೆ. ಸನಾತನ ಹಿಂದೂ ಧರ್ಮದಲ್ಲಿ, ಭಗವಾನ್ ಶ್ರೀ ಹರಿ ವಿಷ್ಣು ಜಿ ಅವರನ್ನು ಒಂದು ರೀತಿಯ ಮತ್ತು ಪ್ರಮುಖ ದೇವತೆ ಎಂದು ಪರಿಗಣಿಸಲಾಗಿದೆ.
ವಿಷ್ಣು ಸಹಸ್ರನಾಮವನ್ನು ಭಗವಾನ್ ಶ್ರೀ ಹರಿ ವಿಷ್ಣು ಜಿಯವರ ಒಂದು ಸಾವಿರ ಹೆಸರುಗಳ ಅತ್ಯಂತ ಶಕ್ತಿಶಾಲಿ ಸಂಗ್ರಹಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ನೀವು ಪ್ರತಿದಿನ ಬೆಳಿಗ್ಗೆ ಈ ನಾಮಗಳನ್ನು ಹೃತ್ಪೂರ್ವಕವಾಗಿ ಜಪಿಸಿದರೆ, ನೀವು ಖಂಡಿತವಾಗಿಯೂ ಶ್ರೀ ಹರಿವಿಷ್ಣುವಿನ ವಿಶೇಷ ಅನುಗ್ರಹವನ್ನು ಪಡೆಯುತ್ತೀರಿ ಎಂದು ಹೇಳಲಾಗುತ್ತದೆ.
ತಮ್ಮ ಜೀವನದಲ್ಲಿ ದೀರ್ಘಕಾಲದಿಂದ ದೊಡ್ಡ ಸಮಸ್ಯೆಗಳನ್ನು ಎದುರಿಸುತ್ತಿರುವವರು ವಿಷ್ಣುಸಹಸ್ರನಾಮವನ್ನು ಸಂಪೂರ್ಣ ಭಕ್ತಿಯಿಂದ ಪಠಿಸಿದರೆ ಮಾತ್ರ ಅವರು ಎಲ್ಲಾ ಸಮಸ್ಯೆಗಳಿಂದ ಮುಕ್ತರಾಗಬಹುದು. ವಿಷ್ಣು ಸಹಸ್ರನಾಮಂ ಸ್ತೋತ್ರಂ ಪಠಿಸುವ ಮೂಲಕ ಭಗವಾನ್ ವಿಷ್ಣುವು ಬಹಳ ಸುಲಭವಾಗಿ ದಯವಿಟ್ಟು. ಆದ್ದರಿಂದ ಹುಡುಗರೇ, ನೀವು ಭಗವಾನ್ ವಿಷ್ಣುವಿನ ಆಶೀರ್ವಾದವನ್ನು ಪಡೆಯಲು ಆತನನ್ನು ಮೆಚ್ಚಿಸಲು ಬಯಸಿದರೆ ನೀವು ಶ್ರೀ ವಿಷ್ಣು ಸಹಸ್ರನಾಮಮ್ ಸ್ತೋತ್ರವನ್ನು ಭಕ್ತಿಯಿಂದ ಪಠಿಸಬೇಕು.

ವಿಷ್ಣು ಸಹಸ್ರನಾಮ ಸ್ತೋತ್ರ PDF / Vishnu Sahasranamam Lyrics in Kannada PDF

ಶ್ರೀನಾರದಪಂಚರಾತ್ರೇ ಜ್ಞಾನಾಮೃತಸಾರೇ ಚತುರ್ಥರಾತ್ರೇ

ಶ್ರೀಮಹಾದೇವ ಉವಾಚ-
ಬ್ರಹ್ಮಹತ್ಯಾಸಹಸ್ರಾಣಾಂ ಪಾಪಂ ಶಾಮ್ಯೇತ್ ಕಥಂಚನ .
ನ ಪುನಸ್ತ್ವಯ್ಯವಿಜ್ಞಾತೇ ಕಲ್ಪಕೋಟಿಶತೈರಪಿ .. 1..

ಯಸ್ಮಾನ್ನ ಯಾ ಕೃತಾ ಸ್ಪರ್ಧಾ ಪವಿತ್ರಂ ಸ್ಯಾತ್ಕಥಂ ಹರೇ .
ನಶ್ಯಂತಿ ಸರ್ವಪಾಪಾನಿ ತನ್ಮಾಂ ವದ ಸುರೇಶ್ವರ .
ತದಾಹ ದೇವೋ ಗೋವಿಂದ ಮಮ ಪ್ರೀತ್ಯಾ ಯಥಾಯಥಂ .. 2..

ಶ್ರೀಭಗವಾನುವಾಚ-
ಸದಾ ನಾಮಸಹಸ್ರಂ ಮೇ ಪಾವನಂ ಮತ್ಪದಾವಹಂ .
ತತ್ಪರೋಽನುದಿನಂ ಶಂಭೋ ಸರ್ವೈಶ್ವರ್ಯಂ ಯದೀಚ್ಛಸಿ .. 3..

ಶ್ರೀಮಹಾದೇವ ಉವಾಚ-
ತಮೇವ ತಪಸಾ ನಿತ್ಯಂ ಭಜಾಮಿ ಸ್ತೌಮಿ ಚಿಂತಯೇ .
ತೇನಾದ್ವಿತೀಯಮಹಿಮೋ ಜಗತ್ಪೂಜ್ಯೋಽಸ್ಮಿ ಪಾರ್ವತಿ ! .. 4..

ಶ್ರೀಪಾರ್ವತ್ಯುವಾಚ-
ತನ್ಮೇ ಕಥಯ ದೇವೇಶ ಯಥಾಹಮಪಿ ಶಂಕರ ! .
ಸರ್ವೇಶ್ವರೀ ನಿರೂಪಮಾ ತವ ಸ್ಯಾಂ ಸದೃಶೀ ಪ್ರಭೋ ! .. 5..

ಶ್ರೀಮಹಾದೇವ ಉವಾಚ-
ಸಾಧು ! ಸಾಧು ! ತ್ವಯಾ ಪೃಷ್ಟೋ ವಿಷ್ಣೋರ್ಭಗವತಃ ಶಿವೇ ! .
ನಾಮ್ನಾಂ ಸಹಸ್ರಂ ವಕ್ಷ್ಯಾಮಿ ಮುಖ್ಯಂ ತ್ರೈಲೋಕ್ಯಮಂಗಲಂ .. 6..

ಓಂ ನಮೋನಾರಾಯಣಾಯ ಪುರುಷೋತ್ತಮಾಯ ಚ ಮಹಾತ್ಮನೇ .
ವಿಶುದ್ಧಸದ್ಮಾಧಿಷ್ಠಾಯ ಮಹಾಹಂಸಾಯ ಧೀಮಹಿ .. 7..

ವಿನಿಯೋಗಃ
ಓಂ ಅಸ್ಯ ಶ್ರೀವಿಷ್ಣೋಃ ಸಹಸ್ರನಾಮಮಂತ್ರಸ್ಯ ಮಹಾದೇವ ಋಷಿಃ . ಅನುಷ್ಟುಪ್ಛಂದಃ .
ಪರಮಾತ್ಮಾ ದೇವತಾ . ಸೂರ್ಯಕೋಟಿಪ್ರತೀಕಾಶ ಇತಿ ಬೀಜಂ . ಗಂಗಾತೀರ್ಥೋತ್ತಮಾ ಶಕ್ತಿಃ .
ಪ್ರಪನ್ನಾಶನಿಪಂಜರ ಇತಿ ಕೀಲಕಂ . ದಿವ್ಯಾಸ್ತ್ರ ಇತ್ಯಸ್ರಂ . ಸರ್ವಪಾಪಕ್ಷಯಾರ್ಥಂ
ಸರ್ವಾಭೀಷ್ಟಸಿದ್ಧ್ಯರ್ಥಂ ಶ್ರೀವಿಷ್ಣೋರ್ನಾಮಸಹಸ್ರಜಪೇ ವಿನಿಯೋಗಃ .

ಋಷ್ಯಾದಿನ್ಯಾಸಃ
ಓಂ ಮಹಾದೇವಾಯ ಋಷಯೇ ನಮಃ ಇತಿ ಶಿರಸಿ .. 1..

ಅನುಷ್ಟುಪ್ ಛಂದಸೇ ನಮಃ ಮುಖೇ .. 2..

ಪರಮಾತ್ಮದೇವತಾಯೈ ನಮಃ ಹೃದಿ .. 3..

ಸೂರ್ಯಕೋಟಿಪ್ರತೀಕಾಶಬೀಜಾಯ ನಮಃ ಗುಹ್ಯೇ .. 4..

ಗಂಗಾತೀರ್ಥೋತ್ತಮಶಕ್ತ್ಯೇ ನಮಃ ಪಾದಯೋಃ .. 5..

ಪ್ರಸನ್ನಾಶನಿಪಂಜರಕೀಲಕಾಯ ನಮಃ ನಾಭೌ .. 6..

ವಿನಿಯೋಗಾಯ ನಮಃ ಸರ್ವಾಂಗೇ .. 7..

ಕರನ್ಯಾಸಃ
ಓಂ ವಾಸುದೇವಃ ಪರಂ ಬ್ರಹ್ಮ ಇತ್ಯಂಗುಷ್ಠಾಭ್ಯಾಂ ನಮಃ .. 1..

ಓಂ ಮೂಲಪ್ರಕೃತಿರಿತಿ ತರ್ಜನೀಭ್ಯಾಂ ನಮಃ .. 2..

ಓಂ ಭೂಮಹಾವರಾಹ ಇತಿ ಮಧ್ಯಮಾಭ್ಯಾಂ ನಮಃ .. 3..

ಓಂ ಸೂರ್ಯವಂಶಧ್ವಜೋ ರಾಮ ಇತಿ ಅನಾಮಿಕಾಭ್ಯಾಂ ನಮಃ .. 4..

ಓಂ ಬ್ರಹ್ಮಾದಿಕಮಲಾದಿಗದಾಸೂರ್ಯಕೇಶವಮಿತಿ ಕನಿಷ್ಠಿಕಾಭ್ಯಾಂ ನಮಃ .. 5..

ಶೇಷ ಇತಿ ಕರತಲಕರಪೃಷ್ಠಾಭ್ಯಾಂ ನಮಃ .
ಇತಿ ಕರನ್ಯಾಸಃ .

ಷಡಂಗನ್ಯಾಸಃ
ಓಂ ವಾಸುದೇವಃ ಪರಂ ಬ್ರಹ್ಮ ಇತಿ ಹೃದಯಾಯ ನಮಃ .. 1..

ಓಂ ಮೂಲಪ್ರಕೃತಿ ಶಿರಸೇ ಸ್ವಾಹಾ .. 2..

ಓಂ ಭೂಮಹಾವಾರಾಹ ಇತಿ ಶಿಖಾಯೈ ವಷಟ್ .. 3..

ಓಂ ಸೂರ್ಯವಂಶಧ್ವಜೋ ರಾಮಃ ಇತಿ ಕವಚಾಯ ಹುಂ .. 4..

ಬ್ರಹ್ಮಾದಿಕಮಲಾದಿಗದಾಸೂರ್ಯಕೇಶವಃ ನೇತ್ರತ್ರಯಾಯ ವೌಷಟ .. 5..

ಓಂ ದಿವ್ಯಾಸ್ತ್ರ ಇತ್ಯಸ್ತ್ರಾಯ ಫಟ್ .. 6..

ಇತಿ ಹದಯಾದಿಷಡಂಗಾನ್ಯಾಸಃ .. 7..

.. ಧ್ಯಾನಂ ..

ವಿಷ್ಣುಂ ಭಾಸ್ವತ್ಕಿರೀಟಾಂಗದವಲಯಗಣಾಕಲ್ಪಹಾರೋದರಾಂಘ್ರಿ-
ಶ್ರೋಣೀಭೂಷಂ ಸುವಕ್ಷೋಮಣಿಮಕರಮಹಾಕುಂಡಲಂ ಮಂಡಿತಾಂಸಂ .
ಹಸ್ತೋದ್ಯಚ್ಚಕ್ರಶಂಖಾಂಬುಜಗದಲಮಲಂ ಪೀತಕೌಶಯವಾಸೋ –
ವಿದ್ಯುದ್ಭಾಸಂ ಸಮುದ್ಯದ್ದಿನಕರಸದೃಶಂ ಪದ್ಮಹಸ್ತಂ ನಮಾಮಿ .. 8..

ಓಂ ವಾಸುದೇವಃ ಪರಂ ಬ್ರಹ್ಮ ಪರಮಾತ್ಮಾ ಪರಾತ್ಪರಂ .
ಪರಂ ಧಾಮ ಪರಂ ಜ್ಯೋತಿಃ ಪರಂ ತತ್ತ್ವಂ ಪರಂ ಪದಂ .. 9..

ಪರಂ ಶಿವಂ ಪರೋ ಧ್ಯೇಯಃ ಪರಂ ಜ್ಞಾನಂ ಪರಾ ಗತಿಃ .
ಪರಮಾರ್ಥಃ ಪರಂ ಶ್ರೇಯಃ ಪರಾನಂದಃ ಪರೋದಯಃ .. 10..

ಪರೋ ವ್ಯಕ್ತಃ ಪರಂ ವ್ಯೋಮ ಪರಾರ್ಧಃ ಪರಮೇಶ್ವರಃ .
ನಿರಾಮಯೋ ನಿರ್ವಿಕಾರೋ ನಿರ್ವಿಕಲ್ಪೋ ನಿರಾಶ್ರಯಃ .. 11..

ನಿರಂಜನೋ ನಿರಾಲಂಬೋ ನಿರ್ಲೇಪೋ ನಿರವಗ್ರಹಃ .
ನಿರ್ಗುಣೋನಿಷ್ಕಲೋಽನಂತೋಽಚಿಂತ್ಯೋಽಸಾವಚಲೋಽಚ್ಯುತಃ .. 12..

ಅತೀಂದ್ರಿಯೋಽಮಿತೋಽರೋಧ್ಯೋಽನೀಹೋಽನೀಶೋಽವ್ಯಯೋಽಕ್ಷಯಃ .
ಸರ್ವಜ್ಞಃ ಸರ್ವಗಃ ಸರ್ವಃ ಸರ್ವದಃ ಸರ್ವಭಾವನಃ .. 13..

ಶರ್ವಃ ಶಂಭುಃ ಸರ್ವಸಾಕ್ಷೀ ಪೂಜ್ಯಃ ಸರ್ವಸ್ಯ ಸರ್ವದೃಕ್ .
ಸರ್ವಶಕ್ತಿಃ ಸರ್ವಸಾರಃ ಸರ್ವಾತ್ಮಾ ಸರ್ವತೋಮುಖಃ .. 14..

ಸರ್ವಾವಾಸಃ ಸರ್ವರೂಪಃ ಸರ್ವಾದಿ ಸರ್ವದುಃಖಹಾ .
ಸರ್ವಾರ್ಥಃ ಸರ್ವತೋಭದ್ರಃ ಸರ್ವಕಾರಣಕಾರಣಂ .. 15..

ಸರ್ವಾತಿಶಾಯಕಃ ಸರ್ವಾಧ್ಯಕ್ಷಃ ಸರ್ವೇಶ್ವರೇಶ್ವರಃ .
ಷಡ್ವಿಂಶಕೋ ಮಹಾವಿಷ್ಣುರ್ಮಹಾಗುಹ್ಯೋ ಮಹಾಹರಿಃ .. 16..

ನಿತ್ಯೋದಿತೋ ನಿತ್ಯಯುಕ್ತೋ ನಿತ್ಯಾನಂದಃ ಸನಾತನಃ .
ಮಾಯಾಪತಿರ್ಯೋಗಪತಿಃ ಕೈವಲ್ಯಪತಿರಾತ್ಮಭೂಃ .. 17..

ಜನ್ಮಮೃತ್ಯುಜರಾತೀತಃ ಕಾಲಾತೀತೋ ಭವಾತಿಗಃ .
ಪೂರ್ಣಃ ಸತ್ಯಃ ಶುದ್ಧಬುದ್ಧಸ್ವರೂಪೋ ನಿತ್ಯಚಿನ್ಮಯಃ .. 18..

ಯೋಗಿಪ್ರಿಯೋ ಯೋಗಮಯೋ ಭವಬಂಧೈಕಮೋಚಕಃ .
ಪುರಾಣಃ ಪುರುಷಃ ಪ್ರತ್ಯಕ್ ಚೈತನ್ಯಂ ಪುರುಷೋತ್ತಮಃ .. 19..

ವೇದಾಂತವೇದ್ಯೋ ದುರ್ಜ್ಞೇಯಸ್ತಾಪತ್ರಯವಿವರ್ಜಿತಃ .
ಬ್ರಹ್ಮವಿದ್ಯಾಶ್ರಯೋಽಲಂಘ್ಯಃ ಸ್ವಪ್ರಕಾಶಃ ಸ್ವಯಂಪ್ರಭಃ .. 20..

ಸರ್ವೋಪೇಯ ಉದಾಸೀನಃ ಪ್ರಣವಃ ಸರ್ವತಃ ಸಮಃ .
ಸರ್ವಾನವದ್ಯೋ ದುಷ್ಪ್ರಾಪಸ್ತುರೀಯಸ್ತಮಸಃ ಪರಃ .. 21..

ಕೂಟಸ್ಥಃ ಸರ್ವಸಂಶ್ಲಿಷ್ಟೋ ವಾಂಗಮನೋಗೋಚರಾತಿಗಃ .
ಸಂಕರ್ಷಣಃ ಸರ್ವಹರಃ ಕಾಲಃ ಸರ್ವಭಯಂಕರಃ .. 22..

ಅನುಲ್ಲಘ್ಯಂ ಸರ್ವಗತಿರ್ಮಹಾರುದ್ರೋ ದುರಾಸದಃ .
ಮೂಲಪ್ರಕೃತಿರಾನಂದಃ ಪ್ರಜ್ಞಾತಾ ವಿಶ್ವಮೋಹನಃ .. 23..

ಮಹಾಮಾಯೋ ವಿಶ್ವಬೀಜಃ ಪರಾಶಕ್ತಿಸುಖೈಕಭುಕ್ .
ಸರ್ವಕಾಮ್ಯೋಽನಂತಶೀಲಃ ಸರ್ವಭೂತವಶಂಕರಃ .. 24..

ಅನಿರುದ್ಧಃ ಸರ್ವಜೀವೋ ಹೃಷೀಕೇಶೋ ಮನಃಪತಿಃ .
ನಿರುಪಾಧಿಃ ಪ್ರಿಯೋ ಹಂಸೋಽಕ್ಷರಃ ಸರ್ವನಿಯೋಜಕಃ .. 25..

ಬ್ರಹ್ಮಾ ಪ್ರಾಣೇಶ್ವರಃ ಸರ್ವಭೂತಭೃದ್ದೇಹನಾಯಕಃ .
ಕ್ಷೇತ್ರಜ್ಞಃ ಪ್ರಕೃತಿಸ್ವಾಮೀ ಪುರುಷೋ ವಿಶ್ವಸೂತ್ರಧೃಕ್ .. 26..

ಅಂತರ್ಯಾಮೀ ತ್ರಿಧಾಮಾಽನ್ತಃಸಾಕ್ಷೀ ತ್ರಿಗುಣ ಈಶ್ವರಃ .
ಯೋಗೀ ಮೃಗ್ಯಃ ಪದ್ಮನಾಭಃ ಶೇಷಶಾಯೀ ಶ್ರಿಯಃ ಪತಿಃ .. 27..

ಶ್ರೀಸತ್ಯೋಪಾಸ್ಯಪಾದಾಬ್ಜೋಽನಂತಃ ಶ್ರೀಃ ಶ್ರೀನಿಕೇತನಃ .
ನಿತ್ಯವಕ್ಷಃಸ್ಥಲಸ್ಥಶ್ರೀಃ ಶ್ರೀನಿಧಿಃ ಶ್ರೀಧರೋ ಹರಿಃ .. 28..

ರಮ್ಯಶ್ರೀರ್ನಿಶ್ಚಯಶ್ರೀದೋ ವಿಷ್ಣುಃ ಕ್ಷೀರಾಬ್ಧಿಮಂದಿರಃ .
ಕೌಸ್ತುಭೋದ್ಭಾಸಿತೋರಸ್ಕೋ ಮಾಧವೋ ಜಗದಾರ್ತಿಹಾ .. 29..

ಶ್ರೀವತ್ಸವಕ್ಷಾ ನಿಃಸೀಮಃ ಕಲ್ಯಾಣಗುಣಭಾಜನಂ .
ಪೀತಾಂಬರೋ ಜಗನ್ನಾಥೋ ಜಗದ್ಧಾತಾ ಜಗತ್ಪಿತಾ .. 30..

ಜಗದ್ಬಂಧುರ್ಜಗತ್ಸ್ರಷ್ಟಾ ಜಗತ್ಕರ್ತಾ ಜಗನ್ನಿಧಿಃ .
ಜಗದೇಕಸ್ಫುರದ್ವೀರ್ಯೋ ನಾಹಂವಾದೀ ಜಗನ್ಮಯಃ .. 31..

ಸರ್ವಾಶ್ಚರ್ಯಮಯಃ ಸರ್ವಸಿದ್ಧಾರ್ಥಃ ಸರ್ವವೀರಜಿತ್ .
ಸರ್ವಾಮೋಘೋದ್ಯಮೋ ಬ್ರಹ್ಮರುದ್ರಾದ್ಯುತ್ಕೃಷ್ಟಚೇತನಃ .. 32..

ಶಂಭೋಃ ಪಿತಾಮಹೋ ಬ್ರಹ್ಮಪಿತಾ ಶಕ್ರಾದ್ಯಧೀಶ್ವರಃ .
ಸರ್ವದೇವಪ್ರಿಯಃ ಸರ್ವದೇವವೃತ್ತಿರನುತ್ತಮಃ .. 33..

ಸರ್ವದೇವೈಕಶರಣಂ ಸರ್ವದೇವೈಕದೈವತಂ .
ಯಜ್ಞಭುಗ್ ಯಜ್ಞಫಲದೋ ಯಜ್ಞೇಶೋ ಯಜ್ಞಭಾವನಃ .. 34..

ಯಜ್ಞತ್ರಾತಾ ಯಜ್ಞಪುಮಾನ್ ವನಮಾಲೀ ದ್ವಿಜಪ್ರಿಯಃ .
ದ್ವಿಜೈಕಮಾನದೋಽಹಿಂಸ್ರಃ ಕುಲದೇವೋಽಸುರಾಂತಕಃ .. 35..

ಸರ್ವದುಷ್ಟಾಂತಕೃತ್ ಸರ್ವಸಜ್ಜನಾನಂದಪಾಲಕಃ .
ಸರ್ವಲೋಕೈಕಜಠರಃ ಸರ್ವಲೋಕೈಕಮಂಡಲಃ .. 36..

ಸೃಷ್ಟಿಸ್ಥಿತ್ಯಂತಕೃಚ್ಚಕ್ರೀ ಶಾರ್ಙ್ಗಧನ್ವಾ ಗದಾಧರಃ .
ಶಂಖಭೃನ್ನಂದಕೀ ಪದ್ಮಪಾಣಿರ್ಗರುಡವಾಹನಃ .. 37..

ಅನಿರ್ದೇಶ್ಯವಪು ಸರ್ವಃ ಸರ್ವಲೋಕೈಕಪಾವನಃ .
ಅನಂತಕೀರ್ತಿರ್ನಿಃ ಶ್ರೀಶಃ ಪೌರುಷಃ ಸರ್ವಮಂಗಲಃ .. 38..

ಸೂರ್ಯಕೋಟಿಪ್ರತೀಕಾಶೋ ಯಮಕೋಟಿವಿನಾಶನಃ .
ಬ್ರಹ್ಮಕೋಟಿಜಗತ್ಸ್ರಷ್ಟಾ ವಾಯುಕೋಟಿಮಹಾಬಲಃ .. 39..

ಕೋಟೀಂದುಜಗದಾನಂದೀ ಶಂಭುಕೋಟಿಮಹೇಶ್ವರಃ .
ಕುಬೇರಕೋಟಿಲಕ್ಷ್ಮೀವಾನ್ ಶತ್ರುಕೋಟಿವಿನಾಶನಃ .. 40..

ಕಂದರ್ಪಕೋಟಿಲಾವಣ್ಯೋ ದುರ್ಗಕೋಟಿವಿಮರ್ದ್ಧನಃ .
ಸಮುದ್ರಕೋಟಿಗಂಭೀರಸ್ತೀರ್ಥಕೋಟಿಸಮಾಹ್ವಯಃ .. 41..

ಹಿಮವತ್ಕೋಟಿನಿಷ್ಕಂಪಃ ಕೋಟಿಬ್ರಹ್ಮಾಂಡವಿಗ್ರಹಃ .
ಕೋಟ್ಯಶ್ವಮೇಧಪಾಪಘ್ನೋ ಯಜ್ಞಕೋಟಿಸಮಾರ್ಚನಃ .. 42..

ಸುಧಾಕೋಟಿಸ್ವಾಸ್ಥ್ಯಹೇತುಃ ಕಾಮಧುಕ್ಕೋಟಿಕಾಮದಃ .
ಬ್ರಹ್ಮವಿದ್ಯಾಕೋಟಿರೂಪಃ ಶಿಪಿವಿಷ್ಟಃ ಶುಚಿಶ್ರವಾಃ .. 43..

ವಿಶ್ವಂಭರಸ್ತೀರ್ಥಪಾದಃ ಪುಣ್ಯಶ್ರವಣಕೀರ್ತನಃ .
ಆದಿದೇವೋ ಜಗಜ್ಜೈತ್ರೋ ಮುಕುಂದಃ ಕಾಲನೇಮಿಹಾ .. 44..

ವೈಕುಂಠೋಽನಂತಮಾಹಾತ್ಮ್ಯೋ ಮಹಾಯೋಗೀಶ್ವರೇಶ್ವರಃ .
ನಿತ್ಯತೃಪ್ತೋಽಥ ಸದ್ಭಾವೋ ನಿಃಶಂಕೋ ನರಕಾಂತಕಃ .. 45..

ದೀನಾನಾಥೈಕಶರಣಂ ವಿಶ್ವೈಕವ್ಯಸನಾಪಹಾ .
ಜಗತ್ಕ್ಷಮಾಕೃತೋ ನಿತ್ಯೋ ಕೃಪಾಲುಃ ಸಜ್ಜನಾಶ್ರಯಃ .. 46..

ಯೋಗೇಶ್ವರಃ ಸದೋದೀರ್ಣೋ ವೃದ್ಧಿಕ್ಷಯವಿವರ್ಜಿತಃ .
ಅಧೋಕ್ಷಜೋ ವಿಶ್ವರೇತಾ ಪ್ರಜಾಪತಿಸಭಾಧಿಪಃ .. 47..

ಶಕ್ರಬ್ರಹ್ಮಾರ್ಚಿತಪದಃ ಶಂಭುಬ್ರಹ್ಮೋರ್ಧ್ವಧಾಮಗಃ .
ಸೂರ್ಯಸೋಮೇಕ್ಷಣೋ ವಿಶ್ವಭೋಕ್ತಾ ಸರ್ವಸ್ಯ ಪಾರಗಃ .. 48..

ಜಗತ್ಸೇತುರ್ಧರ್ಮಸೇತುರ್ಧೀರೋಽರಿಷ್ಟಧುರನ್ಯರಃ .
ನಿರ್ಮಮೋಽಖಿಲಲೋಕೇಶೋ ನಿಃಸಂಗೋಽದ್ಭುತಭೋಗವಾನ್ .. 49..

ರಮ್ಯಮಾಯೋ ವಿಶ್ವವಿಶ್ವೋ ವಿಷ್ವಕ್ಸೇನೋ ನಗೋತ್ತಮಃ .
ಸರ್ವಾಶ್ರಯಃ ಪತಿರ್ದೇವ್ಯಾ ಸರ್ವಭೂಷಣಭೂಷಿತಃ .. 50..

ಸರ್ವಲಕ್ಷಣಲಕ್ಷಣ್ಯಃ ಸರ್ವದೈತ್ಯೇಂದ್ರದರ್ಪಹಾ .
ಸಮಸ್ತದೇವಸರ್ವಜ್ಞಃ ಸರ್ವದೈವತನಾಯಕಃ .. 51..

ಸಮಸ್ತದೇವತಾದುರ್ಗಃ ಪ್ರಪನ್ನಾಶನಿಪಂಜರಃ .
ಸಮಸ್ತದೇವಕವಚಂ ಸರ್ವದೇವಶಿರೋಮಣಿಃ .. 52..

ಸಮಸ್ತಭಯನಿರ್ಭಿನ್ನೋ ಭಗವಾನ್ ವಿಷ್ಟರಶ್ರವಾಃ .
ವಿಭುಃ ಸರ್ವಹಿತೋದರ್ಕೋ ಹತಾರಿಃ ಸುಗತಿಪ್ರದಃ .. 53..

ಸರ್ವದೈವತಜೀವೇಶೋ ಬ್ರಾಹ್ಮಣಾದಿನಿಯೋಜಕಃ .
ಬ್ರಹ್ಮಶಂಭುಪರಾರ್ಧಾಢ್ಯೀ ಬ್ರಹ್ಮಜ್ಯೇಷ್ಠಃ ಶಿಶುಃ ಸ್ವರಾಟ್ .. 54..

ವಿರಾಟ್ ಭಕ್ತಪರಾಧೀನಃ ಸ್ತುತ್ಯಃ ಸರ್ವಾರ್ಥಸಾಧಕಃ .
ಸರ್ವಾರ್ಥಕರ್ತಾ ಕೃತ್ಯಜ್ಞಃ ಸ್ವಾರ್ಥಕೃತ್ಯಮದೋಜ್ಝಿತಃ .. 55..

ಸದಾ ನವಃ ಸದಾ ಭದ್ರಃ ಸದಾ ಶಾಂತಃ ಸದಾ ಶಿವಃ .
ಸದಾ ಪ್ರಿಯಃ ಸದಾ ತುಷ್ಟಃ ಸದಾ ಪುಷ್ಟಃ ಸದಾರ್ಚಿತಃ .. 56..

ಸದಾ ಪೂತಃ ಪಾವನಾಗ್ರೋ ವೇದಗುಹ್ಯೋ ವೃಷಾಕಪಿಃ .
ಸಹಸ್ರನಾಮಾ ತ್ರಿಯುಗಶ್ಚತುಮೂರ್ತಿಶ್ಚತುರ್ಭುಜಃ .. 57..

ಭೂತಭವ್ಯಭವನ್ನಾಥೋ ಮಹಾಪುರುಷಪೂರ್ವಜಃ .
ನಾರಾಯಣೋ ಮುಂಜಕೇಶಃ ಸರ್ವಯೋಗವಿನಿಸ್ಮೃತಃ .. 58..

ವೇದಸಾರೋ ಯಜ್ಞಸಾರಃ ಸಾಮಸಾರಸ್ತಪೋನಿಧಿಃ .
ಸಾಧ್ಯಶ್ರೇಷ್ಠಃ ಪುರಾಣರ್ಷಿರ್ನಿಷ್ಠಾಶಾಂತಿಪರಾಯಣಃ .. 59..

ಶಿವಸ್ತ್ರಿಶೂಲವಿಧ್ವಂಸೀ ಶ್ರೀಕಂಠೈಕವರಪ್ರದಃ .
ನರಕೃಷ್ಣೋ ಹರಿರ್ಧರ್ಮನಂದನೋ ಧರ್ಮಜೀವನಃ .. 60..

ಆದಿಕರ್ತಾ ಸರ್ವಸತ್ಯಃ ಸರ್ವಸ್ತ್ರೀರತ್ನದರ್ಪಹಾ .
ತ್ರಿಕಾಲೋ ಜಿತಕಂದರ್ಪ ಉರ್ವಶೀದೃಙ್ಮುನೀಶ್ವರಃ .. 61..

ಆದ್ಯಃ ಕವಿರ್ಹಯಗ್ರೀವಃ ಸರ್ವವಾಗೀಶ್ವರೇಶ್ವರಃ .
ಸರ್ವದೇವಮಯೋ ಬ್ರಹ್ಮ ಗುರುರ್ವಾಗ್ಮೀಶ್ವರೀಪತಿಃ .. 62..

ಅನಂತವಿದ್ಯಾಪ್ರಭವೋ ಮೂಲಾವಿದ್ಯಾವಿನಾಶಕಃ .
ಸರ್ವಾರ್ಹಣೋ ಜಗಜ್ಜಾಢ್ಯನಾಶಕೋ ಮಧುಸೂದನಃ .. 63..

ಅನಂತಮಂತ್ರಕೋಟೀಶಃ ಶಬ್ದಬ್ರಹ್ಮೈಕಪಾವಕಃ .
ಆದಿವಿದ್ವಾನ್ ವೇದಕರ್ತಾ ವೇದಾತ್ಮಾ ಶ್ರುತಿಸಾಗರಃ .. 64..

ಬ್ರಹ್ಮಾರ್ಥವೇದಾಭರಣಃ ಸರ್ವವಿಜ್ಞಾನಜನ್ಮಭೂಃ .
ವಿದ್ಯಾರಾಜೋ ಜ್ಞಾನರಾಜೋ ಜ್ಞಾನಸಿಂಧುರಖಂಡಧೀಃ .. 65..

ಮತ್ಸ್ಯದೇವೋ ಮಹಾಶೃಂಗೋ ಜಗದ್ಬೀಜವಹಿತ್ರಧೃಕ್ .
ಲೀಲಾವ್ಯಾಪ್ತಾನಿಲಾಂಭೋಧಿಶ್ಚತುರ್ವೇದಪ್ರರ್ವತಕಃ .. 66..

ಆದಿಕೂರ್ಮೋಽಖಿಲಾಧಾರಸ್ತೃಣೀಕೃತಜಗದ್ಭವಃ .
ಅಮರೀಕೃತದೇವೌಘಃ ಪೀಯೂಷೋತ್ಪತ್ತಿಕಾರಣಂ .. 67..

ಆತ್ಮಾಧಾರೋ ಧರಾಧಾರೋ ಯಜ್ಞಾಂಗೋ ಧರಣೀಧರಃ .
ಹಿರಣ್ಯಾಕ್ಷಹರಃ ಪೃಧ್ವೀಪತಿಃ ಶ್ರಾದ್ಧಾದಿಕಲ್ಪಕಃ .. 68..

ಸಮಸ್ತಪಿತೃಭೀತಿಘ್ನಃ ಸಮಸ್ತಪಿತೃಜೀವನಂ .
ಹವ್ಯಕವ್ಯೈಕಭುಗ್ಭವ್ಯೋ ಗುಣಭವ್ಯೈಕದಾಯಕಃ .. 69..

ಲೋಮಾಂತಲೀನಜಲಧಿಃ ಕ್ಷೋಭಿತಾಶೇಷಸಾಗರಃ .
ಮಹಾವರಾಹೋ ಯಜ್ಞಘ್ನಧ್ವಂಸನೋ ಯಾಜ್ಞಿಕಾಶ್ರಯಃ .. 70..

ನರಸಿಂಹೋ ದಿವ್ಯಸಿಂಹಃ ಸರ್ವಾರಿಷ್ಟಾರ್ತಿದುಃಖಹಾ .
ಏಕವೀರೋಽದ್ಭುತಬಲೋ ಯಂತ್ರಮಂತ್ರೈಕಭಂಜನಂ .. 71..

ಬ್ರಹ್ಮಾದಿದುಃಸಹಜ್ಯೋತಿರ್ಯುಗಾಂತಾಗ್ನ್ಯತಿಭೀಷಣಃ .
ಕೋಟಿವಜ್ರಾಧಿಕನಖೋ ಗಜದುಷ್ಪ್ರೇಕ್ಷಮೂರ್ತಿಧೃಕ್ .. 72..

ಮಾತೃಚಕ್ರಪ್ರಮಥನೋ ಮಹಾಮಾತೃಗಣೇಶ್ವರಃ .
ಅಚಿಂತ್ಯೋಽಮೋಘವೀರ್ಯಾಢ್ಯಃ ಸಮಸ್ತಾಸುರಘಸ್ಮರಃ .. 73..

ಹಿರಣ್ಯಕಶಿಪುಚ್ಛೇದೀ ಕಾಲಃ ಸಂಕರ್ಷಣಃ ಪತಿಃ .
ಕೃತಾಂತವಾಹನಃ ಸದ್ಯಃ ಸಮಸ್ತಭಯನಾಶನಃ .. 74..

ಸರ್ವವಿಘ್ನಾಂತಕಃ ಸರ್ವಸಿದ್ಧಿದಃ ಸರ್ವಪೂರಕಃ .
ಸಮಸ್ತಪಾತಕಧ್ವಂಸೀ ಸಿದ್ಧಮಂತ್ರಾಧಿಕಾಹ್ವಯಃ .. 75..

ಭೈರವೇಶೋ ಹರಾರ್ತಿಘ್ನ ಕಾಲಕಲ್ಪೋ ದುರಾಸದಃ .
ದೈತ್ಯಗರ್ಭಸ್ರಾವಿನಾಮಾ ಸ್ಫುರದ್ಬ್ರಹ್ಮಾಂಡವರ್ಜಿತಃ .. 76..

ಸ್ಮೃತಿಮಾತ್ರಾಖಿಲತ್ರಾತಾ ಭೂತರೂಪೋ ಮಹಾಹರಿಃ .
ಬ್ರಹ್ಮಚರ್ಮಶಿರಃಪಟ್ಟಾ ದಿಕ್ಪಾಲೋಽರ್ಧಾಂಗಭೂಷಣಃ .. 77..

ದ್ವಾದಶಾರ್ಕಶಿರೋದಾಮಾ ರುದ್ರಶೀರ್ಷೈಕನೂಪುರಃ .
ಯೋಗಿನೀಗ್ರಸ್ತಗಿರಿಜಾರತೋ ಭೈರವತರ್ಜಕಃ .. 78..

ವೀರಚಕ್ರೇಶ್ವರೋಽತ್ಯುಗ್ರೋ ಯಮಾರಿಃ ಕಾಲಸಂವರಃ .
ಕ್ರೋಧೇಶ್ವರೋ ರುದ್ರಚಂಡೀಪರಿವಾದೀ ಸುದುಷ್ಟಭಾಕ್ .. 79..

ಸರ್ವಾಕ್ಷಃ ಸರ್ವಮೃತ್ಯುಶ್ಚ ಮೃತ್ಯುರ್ಮೃತ್ಯುನಿರ್ವತಕಃ .
ಅಸಾಧ್ಯಃ ಸರ್ವರೋಗಘ್ನಃ ಸರ್ವದುರ್ಗ್ರಹಸೌಮ್ಯಕೃತ್ .. 80..

ಗಣೇಶಕೋಟಿದರ್ಪಘ್ನೋ ದುಃಸಹೋಽಶೇಷಗೋತ್ರಹಾ .
ದೇವದಾನವದುರ್ಧಷೋ ಜಗದ್ಭಕ್ಷ್ಯಪ್ರದಃ ಪಿತಾ .. 81..

ಸಮಸ್ತದುರ್ಗತಿತ್ರಾತಾ ಜಗದ್ಭಕ್ಷಕಭಕ್ಷಕಃ .
ಉಗ್ರೇಶೋಽಸುರಮಾರ್ಜಾರಃ ಕಾಲಮೂಷಕಭಕ್ಷಕಃ .. 82..

ಅನಂತಾಯುಧದೋರ್ದ್ದಂಡೋ ನೃಸಿಂಹೋ ವೀರಭದ್ರಜಿತ್ .
ಯೋಗಿನೀಚಕ್ರಗುಹ್ಯೇಶಃ ಶಕ್ರಾರಿಃ ಪಶುಮಾಂಸಭುಕ್ .. 83..

ರುದ್ರೋ ನಾರಾಯಣೋ ಮೇಷರೂಪಶಂಕರವಾಹನಃ .
ಮೇಷರೂಪೀ ಶಿವತ್ರಾತಾ ದುಷ್ಟಶಕ್ತಿಸಹಸ್ರಭುಕ್ .. 84..

ತುಲಸೀವಲ್ಲಭೋ ವೀರೋಽಚಿಂತ್ಯಮಾಯೋಽಖಿಲೇಷ್ಟದಃ .
ಮಹಾಶಿವಃ ಶಿವಾರುದ್ರೋ ಭೈರವೈಕಕಪಾಲಭೂತ್ .. 85..

ಭಿಲ್ಲಶ್ಚಕ್ರೇಶ್ವರಃ ಶಕ್ರೋ ದಿವ್ಯಮೋಹನರೂಪಧೃಕ್ .
ಗೌರೀಸೌಭಾಗ್ಯದೋ ಮಾಯಾನಿಧಿರ್ಮಾಯಾಭಯಾಪಹಃ .. 86..

ಬ್ರಹ್ಮತೇಜೋಮಯೋ ಬ್ರಹ್ಮ ಶ್ರೀಮಯಶ್ಚ ತ್ರಯೀಮಯಃ .
ಸುಬ್ರಹ್ಮಣ್ಯೋ ಬಲಿಧ್ವಂಸೀ ವಾಮನೋಽದಿತಿದುಃಖಹಾ .. 87..

ಉಪೇಂದ್ರೋ ನೃಪತಿರ್ವಿಷ್ಣುಃ ಕಶ್ಯಪಾನ್ವಯಮಂಡನಃ .
ಬಲಿಸ್ವಾರಾಜ್ಯದಃ ಸರ್ವದೇವವಿಪ್ರಾತ್ಮದೋಽಚ್ಯುತಃ .. 88..

ಉರುಕ್ರಮಸ್ತೀರ್ಥಪಾದಸ್ತ್ರಿದಶಶ್ಚ ತ್ರಿವಿಕ್ರಮಃ .
ವ್ಯೋಮಪಾದಃ ಸ್ವಪಾದಾಂಭಃಪವಿತ್ರಿತಜಗತ್ತ್ರಯಃ .. 89..

ಬ್ರಹ್ಮೇಶಾದ್ಯಭಿವಂದ್ಯಾಂಘ್ರಿರ್ದ್ರುತಕರ್ಮಾದ್ರಿಧಾರಣಃ .
ಅಚಿಂತ್ಯಾದ್ಭುತವಿಸ್ತಾರೋ ವಿಶ್ವವೃಕ್ಷೋ ಮಹಾಬಲಃ .. 90..

ಬಹುಮೂರ್ಧಾ ಪರಾಙ್ಛಿದ್ರಭೃಗುಪತ್ನೀಶಿರೋಹರಃ .
ಪಾಪಸ್ತೇಯಃ ಸದಾಪುಣ್ಯೋ ದೈತ್ಯೇಶೋ ನಿತ್ಯಖಂಡಕಃ .. 91..

ಪೂರಿತಾಖಿಲದೇವೇಶೋ ವಿಶ್ವಾರ್ಥೈಕಾವತಾರಕೃತ್ .
ಅಮರೋ ನಿತ್ಯಗುಪ್ತಾತ್ಮಾ ಭಕ್ತಚಿಂತಾಮಣಿಃ ಸದಾ .. 92..

ವರದಃ ಕಾರ್ತವೀರ್ಯಾದಿರಾಜರಾಜ್ಯಪ್ರದೋಽನಘಃ .
ವಿಶ್ವಶ್ಲಾಘ್ಯೋಽಮಿತಾಚಾರೋ ದತ್ತಾತ್ರೇಯೋ ಮುನೀಶ್ವರಃ .. 93..

ಪರಾಶಕ್ತಿಸಮಾಯುಕ್ತೋ ಯೋಗಾನಂದಮದೋನ್ಮದಃ .
ಸಮಸ್ತೇಂದ್ರಾರಿತೇಜೋಹೃತ್ ಪರಮಾನಂದಪಾದಪಃ .. 94..

ಅನಸೂಯಾಗರ್ಭರತ್ನೋ ಭೋಗಮೋಕ್ಷಸುಖಪ್ರದಃ .
ಜಮದಗ್ನಿಕುಲಾದಿತ್ಯೋ ರೇಣುಕಾದ್ಭುತಶಕ್ತಿಹೃತ್ .. . 95..

ಮಾತೃಹತ್ಯಘನಿರ್ಲೇಪಃ ಸ್ಕಂದಜಿದ್ವಿಪ್ರರಾಜ್ಯದಃ .
ಸರ್ವಕ್ಷತ್ರಾಂತಕೃದ್ವೀರದರ್ಪಹಾ ಕಾರ್ತವೀರ್ಯಜಿತ್ .. 96..

ಯೋಗೀ ಯೋಗಾವತಾರಶ್ಚ ಯೋಗೀಶೋ ಯೋಗವತ್ಪರಃ .
ಪರಮಾನಂದದಾತಾ ಚ ಶಿವಾಚಾರ್ಯಯಶಃಪ್ರದಃ .. 97..

ಭೀಮಃ ಪರಶುರಾಮಶ್ಚ ಶಿವಾಚಾರ್ಯೈಕವಿಶ್ವಭೂಃ .
ಶಿವಾಖಿಲಜ್ಞಾನಕೋಷೋ ಭೀಷ್ಮಾಚಾರ್ಯೋಽಗ್ನಿದೈವತಃ .. 98..

ದ್ರೋಣಾಚಾರ್ಯಗುರುರ್ವಿಶ್ವಜೈತ್ರಧನ್ವಾ ಕೃತಾಂತಕೃತ್ .
ಅದ್ವಿತೀಯತಮೋಮೂರ್ತಿರ್ಬ್ರಹ್ಮಚರ್ಯೈಕದಕ್ಷಿಣಃ .. 99..

ಮನುಶ್ರೇಷ್ಠಃ ಸತಾಂ ಸೇತುರ್ಮಹೀಯಾನ್ ವೃಷಭೋ ವಿರಾಟ್ .
ಆದಿರಾಜಃ ಕ್ಷಿತಿಪಿತಾ ಸರ್ವರತ್ನೈಕದೋಹಕೃತ್ .. 100..

ಪೃಥುಜನ್ಮಾದ್ಯೇಕದಕ್ಷೋ ಹ್ರೀಃ ಶ್ರೀಃ ಕೀರ್ತಿಃ ಸ್ವಯಂಧೃತಿಃ .
ಜಗದ್ವೃತ್ತಿಪ್ರದಶ್ಚಕ್ರವರ್ತಿಶ್ರೇಷ್ಠೋ ದುರಸ್ತ್ರಧೃಕ್ .. 101..

ಸನಕಾದಿಮುನಿಪ್ರಾಪ್ತಭಗವದ್ಭಕ್ತಿವರ್ಧನಃ .
ವರ್ಣಾಶ್ರಮಾದಿಧರ್ಮಾಣಾಂ ಕರ್ತಾ ವಕ್ತಾ ಪ್ರವರ್ತಕಃ .. 102..

ಸೂರ್ಯವಂಶಧ್ವಜೋ ರಾಮೋ ರಾಧವಃ ಸದ್ಗುಣಾರ್ಣವಃ .
ಕಾಕುತ್ಸ್ಥವೀರತಾಧರ್ಮೋ ರಾಜಧರ್ಮಧುರಂಧರಃ .. 103..

ನಿತ್ಯಸುಸ್ಥಾಶಯಃ ಸರ್ವಭದ್ರಗ್ರಾಹೀ ಶುಭೈಕದೃಕ್ .
ನವರತ್ನಂ ರತ್ನನಿಧಿಃ ಸರ್ವಾಧ್ಯಕ್ಷೋ ಮಹಾನಿಧಿಃ .. 104..

ಸರ್ವಶ್ರೇಷ್ಠಾಶ್ರಯಃ ಸರ್ವಶಸ್ತ್ರಾಸ್ತ್ರಗ್ರಾಮವೀರ್ಯವಾನ್ .
ಜಗದ್ವಶೀ ದಾಶರಥಿಃ ಸರ್ವರತ್ನಾಶ್ರಯೋ ನೃಪಃ .. 105..

ಧರ್ಮಃ ಸಮಸ್ತಧರ್ಮಸ್ಥೋ ಧರ್ಮದ್ರಷ್ಟಾಖಿಲಾರ್ತಿಹೃತ್ .
ಅತೀಂದ್ರೋ ಜ್ಞಾನವಿಜ್ಞಾನಪಾರದೃಶ್ವಾ ಕ್ಷಮಾಂಬುಧಿಃ .. 106..

ಸರ್ವಪ್ರಕೃಷ್ಟಃ ಶಿಷ್ಟೇಷ್ಟೋ ಹರ್ಷಶೋಕಾಧನಾಕುಲಃ .
ಪಿತ್ರಾಜ್ಞಾತ್ಯಕ್ತಸಾಮ್ರಾಜ್ಯಃ ಸಪತ್ನೋದಯನಿರ್ಭಯಃ .. 107..

ಗುಹಾದೇಶಾರ್ಪಿತೈಶ್ವರ್ಯಃ ಶಿವಸ್ಪರ್ದ್ಧಾಜಟಾಧರಃ .
ಚಿತ್ರಕೂಟಾಪ್ತರತ್ನಾದ್ರಿಜಗದೀಶೋ ರಣೇಚರಃ .. 108..

ಯಥೇಷ್ಟಾಮೋಘಶಸ್ತ್ರಾಸ್ತ್ರೋ ದೇವೇಂದ್ರತನಯಾಕ್ಷಿಹಾ .
ಬ್ರಹ್ಮೇಂದ್ರಾದಿನತೈಷೀಕೋ ಮಾರೀಚಘ್ನೋ ವಿರಾಧಹಾ .. 109..

ಬ್ರಹ್ಮಶಾಪಹತಾಶೇಷದಂಡಕಾರಣ್ಯಪಾವನಃ .
ಚತುರ್ದಶಸಹಸ್ರಾಗ್ರ್ಯರಕ್ಷೋಘ್ನೈಕಶರೈಕಭೃತ್ .. 110..

ಖರಾರಿಸ್ತ್ರಿಶಿರೋಹಂತಾ ದೂಷಣಘ್ನೋ ಜನಾರ್ದನಃ .
ಜಟಾಯುಷೋಽಗ್ನಿಗತಿದೋ ಕಬಂಧಸ್ವರ್ಗದಾಯಕಃ .. 111..

ಲೀಲಾಧುನಃಕೋಟ್ಯಾಪಾಸ್ತದುಂದುಭ್ಯಸ್ಥಿಮಹಾಚಯಃ .
ಸಪ್ತತಾಲವ್ಯಥಾಕೃಷ್ಟಧ್ವಜಪಾತಾಲದಾನವಃ .. 112..

ಸುಗ್ರೀವೇ ರಾಜ್ಯದೋ ಧೀಮಾನ್ ಮನಸೈವಾಭಯಪ್ರದಃ .
ಹನೂಮದ್ರುದ್ರಮುಖ್ಯೇಶಃ ಸಮಸ್ತಕಪಿದೇಹಭೃತ್ .. 113..

ಅಗ್ನಿದೈವತ್ಯಬಾಣೈಕವ್ಯಾಕುಲೀಕೃತಸಾಗರಃ .
ಸಮ್ಲಿಚ್ಛಕೋಟಿಬಾಣೈಕಶುಷ್ಕನಿರ್ದಗ್ಧಸಾಗರಃ .. 114..

ಸನಾಗದೈತ್ಯಧಾಮೈಕವ್ಯಾಕುಲೀಕೃತಸಾಗರಃ .
ಸಮುದ್ರಾದ್ಭುತಪೂರ್ವೈಕಬದ್ಧಸೇತುರ್ಯಶೋನಿಧಿಃ .. 115..

ಅಸಾಧ್ಯಸಾಧಕೋ ಲಂಕಾಸಮೂಲೋತ್ಕರ್ಷದಕ್ಷಿಣಃ .
ವರದೃಪ್ತಜನಸ್ಥಾನಪೌಲಸ್ತ್ಯಕಲಕೃಂತನಃ .. 116..

ರಾವಣಘ್ನಃ ಪ್ರಹಸ್ತಚ್ಛಿತ್ ಕುಂಭಕರ್ಣಭಿದುಗ್ರಹಾ .
ರಾವಣೈಕಮುಖಚ್ಛೇತ್ತಾ ನಿಃಶಂಕೇಂದ್ರೈಕರಾಜ್ಯದಃ .. 117..

ಸ್ವರ್ಗಾಸ್ವರ್ಗತ್ವವಿಚ್ಛೇದೀ ದೇವೇಂದ್ರಾದಿಂದ್ರತಾಹರಃ .
ರಕ್ಷೋದೇವತ್ವಹೃದ್ಧರ್ಮಾ ಧರ್ಮಹರ್ಮ್ಯಃ ಪುರುಷ್ಟುತಃ .. 118..

ನಾತಿಮಾತ್ರದಶಾಸ್ಯಾರಿರ್ದತ್ತರಾಜ್ಯವಿಭೀಷಣಃ .
ಸುಧಾಸೃಷ್ಟಿಭೃತಾಶೇಷಸ್ವಸೈನ್ಯಜೀವನೈಕಕೃತ್ .. 119..

ದೇವಬ್ರಾಹ್ಮಣನಾಮೈಕಧಾತಾ ಸರ್ವಾಮರಾರ್ಚಿತಃ .
ಬ್ರಹ್ಮಸೂರ್ಯೇಂದ್ರರುದ್ರಾದಿವಂದ್ಯೋಽರ್ಚಿತಸತಾಂ ಪ್ರಿಯಃ .. 120..

ಅಯೋಧ್ಯಾಖಿಲರಾಜಾಗ್ರ್ಯ ಸರ್ವಭೂತಮನೋಹರಃ .
ಸ್ವಾಮ್ಯತುಲ್ಯಕೃಪಾದತ್ತೋ ಹೀನೋಷ್ಕೃಷ್ಟೈಕಸತ್ಪ್ರಿಯಃ .. 121..

ಸ್ವಪಕ್ಷಾದಿನ್ಯಾಯದರ್ಶೀ ಹೀನಾರ್ಥೋಽಧಿಕಸಾಧಕಃ .
ಬಾಧವ್ಯಾಜಾನುಚಿತಕೃತ್ತಾವಕೋಽಖಿಲತುಷ್ಟಿಕೃತ್ .. 122..

ಪಾರ್ವತ್ಯಧಿಕಯುಕ್ತಾತ್ಮಾ ಪ್ರಿಯಾತ್ಯಕ್ತಃ ಸುರಾರಿಜಿತ್ .
ಸಾಕ್ಷಾತ್ಕುಶಲವತ್ಸದ್ಮೇಂದ್ರಾಗ್ನಿನಾತೋಽಪರಾಜಿತಃ .. 123..

ಕೋಶಲೇಂದ್ರೋ ವೀರಬಾಹುಃ ಸತ್ಯಾರ್ಥತ್ಯಕ್ತಸೋದರಃ .
ಯಶೋದಾನಂದನೋ ನಂದೀ ಧರಣೀಮಂಡಲೋದಯಃ .. 124..

ಬ್ರಹ್ಮಾದಿಕಾಮ್ಯಸಾನ್ನಿಧ್ಯಸನಾಥೀಕೃತದೈವತಃ .
ಬ್ರಹ್ಮಲೋಕಾಪ್ತಚಾಂಡಾಲಾದ್ಯಶೇಷಪ್ರಾಣಿಸಾರ್ಥಪಃ .. 125..

ಸ್ವರ್ಣೀತಗರ್ದಭಶ್ವಾದಿಚಿರಾಯೋಧ್ಯಾಬಲೈಕಕೃತ್ .
ರಾಮಾದ್ವಿತೀಯಃ ಸೌಮಿತ್ರಿಲಕ್ಷ್ಮಣಪ್ರಹತೇಂದ್ರಜಿತ್ .. 126..

ವಿಷ್ಣುಭಕ್ತಾಶಿವಾಂಹಃಛಿತ್ಪಾದುಕಾರಾಜ್ಯನಿರ್ವೃತಃ .
ಭರತೋಽಸಹ್ಯಗಂಧರ್ವಕೋಟಿಘ್ನೋ ಲವಣಾಂತಕಃ .. 127..

ಶತ್ರುಘ್ನೋ ವೈದ್ಯರಾಡಾಯುರ್ವೇದಗರ್ಭೌಷಧೀಪತಿಃ .
ನಿತ್ಯಾನಿತ್ಯಕರೋ ಧನ್ವಂತರಿರ್ಯಜ್ಞೋ ಜಗದ್ಧರಃ .. 128..

ಸೂರ್ಯವಿಘ್ನಃ ಸುರಾಜೀವೋ ದಕ್ಷಿಣೇಶೋ ದ್ವಿಜಪ್ರಿಯಃ .
ಛಿನ್ನಮೂರ್ಧೋಪದೇಶಾರ್ಕತನೂಜಕೃತಮೈತ್ರಿಕಃ .. 129..

ಶೇಷಾಂಗಸ್ಥಾಪಿತನರಃ ಕಪಿಲಃ ಕರ್ದಮಾತ್ಮಜಃ .
ಯೋಗಾತ್ಮಕಧ್ಯಾನಭಂಗಸಗರಾತ್ಮಜಭಸ್ಮಕೃತ್ .. 130..

ಧರ್ಮೋ ವಿಶ್ವೇಂದ್ರಸುರಭೀಪತಿಃ ಶುದ್ಧಾತ್ಮಭಾವಿತಃ .
ಶಂಭುಸ್ತ್ರಿಪುರದಾಹೈಕಸ್ಥೈರ್ಯವಿಶ್ವರಥೋದ್ಧತಃ .. 131..

ವಿಶ್ವಾತ್ಮಾಶೇಷರುದ್ರಾರ್ಥಶಿರಶ್ಛೇದಾಕ್ಷತಾಕೃತಿಃ .
ವಾಜಪೇಯಾದಿನಾಮಾಗ್ನಿರ್ವೇದಧರ್ಮಾಪರಾಯಣಃ .. 132..

ಶ್ವೇತದ್ವೀಪಪತಿಃ ಸಾಂಖ್ಯಪ್ರಣೇತಾ ಸರ್ವಸಿದ್ಧಿರಾಟ್ .
ವಿಶ್ವಪ್ರಕಾಶಿತಧ್ಯಾನಯೋಗೋ ಮೋಹತಮಿಸ್ರಹಾ .. 133..

ಭಕ್ತಶಂಭುಜಿತೋ ದೈತ್ಯಾಮೃತವಾಪೀಸಮಸ್ತಪಃ .
ಮಹಾಪ್ರಲಯವಿಶ್ವೈಕೋಽದ್ವಿತೀಯೋಽಖಿಲದೈತ್ಯರಾಟ್ .. 134..

ಶೇಷದೇವಃ ಸಹಸ್ರಾಕ್ಷಃ ಸಹಸ್ರಾಂಘಿಶಿರೋಭುಜಃ .
ಫಣೀ ಫಣಿಫಣಾಕಾರಯೋಜಿತಾಬ್ಧ್ಯಂಬುದಕ್ಷಿತಿಃ .. 135..

ಕಾಲಾಗ್ನಿರುದ್ರಜನಕೋ ಮುಸಲಾಸ್ತ್ರೋ ಹಲಾಯುಧಃ .
ನೀಲಾಂಬರೋ ವಾರುಣೀಶೋ ಮನೋವಾಕ್ಕಾಯದೋಷಹಾ .. 136..

ಸ್ವಸಂತೋಷತೃಪ್ತಿಮಾತ್ರಃ ಪಾತಿತೈಕದಶಾನನಃ .
ಬಲಿಸಂಯಮನೋ ಘೋರೋ ರೌಹಿಣೇಯಃ ಪ್ರಲಂಬಹಾ .. 137..

ಮುಷ್ಟಿಕಘ್ನೋ ದ್ವಿವಿದಹಾ ಕಾಲಿಂದೀಭೇದನೋ ಬಲಃ .
ರೇವತೀರಮಣಃ ಪೂರ್ವಭಕ್ತಿರೇವಾಚ್ಯುತಾಗ್ರಜಃ .. 138..

ದೇವಕೀವಸುದೇವೋತ್ಥೋಽದಿತಿಕಶ್ಯಪನಂದನಃ .
ವಾರ್ಷ್ಣೇಯಃ ಸಾತ್ವತಾಂ ಶ್ರೇಷ್ಠಃ ಶೌರಿರ್ಯದುಕುಲೋದ್ವಹಃ .. 139..

ನರಾಕೃತಿಃ ಪೂರ್ಣಬ್ರಹ್ಮ ಸವ್ಯಸಾಚೀ ಪರಂತಪಃ .
ಬ್ರಹ್ಮಾದಿಕಾಮನಾನಿತ್ಯಜಗತ್ಪರ್ವೇತಶೈಶವಃ .. 140..

ಪೂತನಾಘ್ನಃ ಶಕಟಭಿದ್ಯಮಲಾರ್ಜುನಭಂಜನಃ .
ವತ್ಸಾಮುರಾರಿಃ ಕೇಶಿಘ್ನೋ ಧೇನುಕಾರಿರ್ಗವೀಶ್ವರಃ .. 141..

ದಾಮೋದರೋ ಗೋಪದೇವೋ ಯಶೋದಾನಂದಕಾರಕಃ .
ಕಾಲೀಯಮರ್ದ್ದನಃ ಸರ್ವಗೋಪಗೋಪೀಜನಪ್ರಿಯಃ .. 142..

ಲೀಲಾಗೋವರ್ಧನಧರೋ ಗೋವಿಂದೋ ಗೋಕುಲೋತ್ಸವಃ .
ಅರಿಷ್ಟಮಥನಃ ಕಾಮೋನ್ಮತ್ತಗೋಪೀವಿಮುಕ್ತಿದಃ .. 143..

ಸದ್ಯಃ ಕುವಲಯಾಪೀಡಘಾತೀ ಚಾಣೂರಮರ್ದನಃ .
ಕಂಸಾರಿರುಗ್ರಸೇನಾದಿರಾಜ್ಯಸ್ಥಾಯ್ಯರಿಹಾಽಮರಃ .. 144..

ಸುಧರ್ಮಾಂಕಿತಭೂಲೋಕೋ ಜರಾಸಂಧಬಲಾಂತಕಃ .
ತ್ಯಕ್ತಭಕ್ತಜರಾಸಂಧಭೀಮಸೇನಯಶಃಪ್ರದಃ .. 145..

ಸಾಂದೀಪನಿಮೃತಾಪತ್ಯದಾತಾ ಕಾಲಾಂತಕಾದಿಜಿತ್ .
ರುಕ್ಮಿಣೀರಮಣೋ ರುಕ್ಮಿಶಾಸನೋ ನರಕಾಂತಕೃತ್ .. 146..

ಸಮಸ್ತನರಕತ್ರಾತಾ ಸರ್ವಭೂಪತಿಕೋಟಿಜಿತ್ .
ಸಮಸ್ತಸುಂದರೀಕಾಂತೋಽಸುರಾರಿರ್ಗರುಡಧ್ವಜಃ .. 147..

ಏಕಾಕೀಜಿತರುದ್ರಾರ್ಕಮರುದಾಪೋಽಖಿಲೇಶ್ವರಃ .
ದೇವೇಂದ್ರದರ್ಪಹಾ ಕಲ್ಪದ್ರುಮಾಲಂಕೃತಭೂತಲಃ .. 148..

ಬಾಣಬಾಹುಸಹಸ್ರಚ್ಛಿತ್ಸ್ಕಂದಾದಿಗಣಕೋಟಿಜಿತ್ .
ಲೀಲಾಜಿತಮಹಾದೇವೋ ಮಹಾದೇವೈಕಪೂಜಿತಃ .. 149..

ಇಂದ್ರಾರ್ಥಾರ್ಜುನನಿರ್ಮತ್ಸುರ್ಜಯದಃ ಪಾಂಡವೈಕಧೃಕ್ .
ಕಾಶೀರಾಜಶಿರಸ್ಛೇತ್ತಾ ರುದ್ರಶಕ್ತ್ಯೇಕಮರ್ದನಃ .. 150..

ವಿಶ್ವೇಶ್ವರಪ್ರಸಾದಾಢ್ಯಃ ಕಾಶೀರಾಜಸುತಾರ್ದನಃ .
ಶಂಭುಪ್ರತಿಜ್ಞಾಪಾತಾ ಚ ಸ್ವಯಂಭುಗಣಪೂಜಕಃ .. 151..

ಕಾಶೀಶಗಣಕೋಟಿಘ್ನೋ ಲೋಕಶಿಕ್ಷಾದ್ವಿಜಾರ್ಚಕಃ .
ಶಿವತೀವ್ರತಪೋವಶ್ಯಃ ಪುರಾ ಶಿವವರಪ್ರದಃ .. 152..

ಗಯಾಸುರಪ್ರತಿಜ್ಞಾಧೃಕ್ ಸ್ವಾಂಶಶಂಕರಪೂಜಕಃ .
ಶಿವಕನ್ಯಾವ್ರತಪತಿಃ ಕೃಷ್ಣರೂಪಶಿವಾರಿಹಾ .. 153..

ಮಹಾಲಕ್ಷ್ಮೀವಪುರ್ಗೌರೀತ್ರಾಣೋ ದೇವಲವಾತಹಾ .
ವಿನಿದ್ರಮುಚುಕುಂದೈಕಬ್ರಹ್ಮಾಸ್ತ್ರಯುವನಾಶ್ವಹೃತ್ .. 154..

ಅಕ್ರೂರೋಽಕ್ರೂರಮುಖ್ಯೈಕಭಕ್ತಸ್ವಚ್ಛಂದಮುಕ್ತಿದಃ .
ಸಬಾಲಸ್ತ್ರೀಜಲಕ್ರೀಡಾಕೃತವಾಪೀಕೃತಾರ್ಣವಃ .. 155..

ಯಮುನಾಪತಿರಾನೀತಪರಿಣೀತದ್ವಿಜಾತ್ಮಕಃ .
ಶ್ರೀದಾಮಶಂಕುಭಕ್ತಾರ್ಥಭೂಮ್ಯಾನೀತೇಂದ್ರಭೈರವಃ .. 156..

ದುರ್ವೃತ್ತಶಿಶುಪಾಲೈಕಮುಕ್ತಿಕೋದ್ಧಾರಕೇಶ್ವರಃ .
ಆಚಾಂಡಾಲಾದಿಕಂ ಪ್ರಾಪ್ಯ ದ್ವಾರಕಾನಿಧಿಕೋಟಿಕೃತ್ .. 157..

ಬ್ರಹ್ಮಾಸ್ತ್ರದಗ್ಧಗರ್ಭಸ್ಥಪರೀಕ್ಷಿಜ್ಜೀವನೈಕಕೃತ್ .
ಪರಿಣೀತದ್ವಿಜಸುತಾನೇತಾಽರ್ಜುನಮದಾಪಹಃ .. 158..

ಗೂಢಮುದ್ರಾಕೃತಿಗ್ರಸ್ತಭೀಷ್ಮಾದ್ಯಖಿಲಗೌರವಃ .
ಪಾರ್ಥಾರ್ಥಖಂಡಿತಾಶೇಷದಿವ್ಯಾಸ್ತ್ರಃ ಪಾರ್ಥಮೋಹಭೃತ್ .. 159..

ಬ್ರಹ್ಮಶಾಪಚ್ಛಲಧ್ವಸ್ತಯಾದವೋ ವಿಭವಾವಹಃ .
ಅನಂಗೇ ಜಿತಗೌರೀಶೋ ರತಿಕಾಂತಃ ಸದೇಪ್ಸಿತಃ .. 160..

ಪುಷ್ಪೇಷುರ್ವಿಶ್ವವಿಜಯೀ ಸ್ಮರಃ ಕಾಮೇಶ್ವರೀಪತಿಃ .
ಉಷಾಪತಿರ್ವಿಶ್ವಹೇತುರ್ವಿಶ್ವತೃಪ್ತೋಽಧಿಪೂರುಷಃ .. 161..

ಚತುರಾತ್ಮಾ ಚತುರ್ವರ್ಣಶ್ಚತುರ್ವೇದವಿಧಾಯಕಃ .
ಚತುರ್ವಿಶ್ವೈಕವಿಶ್ವಾತ್ಮಾ ಸರ್ವೋತ್ಕೃಷ್ಟಾಸು ಕೋಟಿಷು .. 162..

ಆಶ್ರಯಾತ್ಮಾ ಪುರಾಣರ್ಷಿರ್ವ್ಯಾಸಃ ಶಾಸ್ತ್ರಸಹಸ್ರಕೃತ್ .
ಮಹಾಭಾರತನಿರ್ಮಾತಾ ಕವೀಂದ್ರೋ ವಾದರಾಯಣಃ .. 163..

ಕೃಷ್ಣದ್ವೈಪಾಯನಃ ಸರ್ವಪುರುಷಾರ್ಥಕಬೋಧಕಃ .
ವೇದಾಂತಕರ್ತಾ ಬ್ರಹ್ಮೈಕವ್ಯಂಜಕಃ ಪುರುವಂಶಕೃತ್ .. 164..

ಬುದ್ಧೋ ಧ್ಯಾನಜಿತಾಶೇಷದೇವದೇವೋ ಜಗತ್ಪ್ರಿಯಃ .
ನಿರಾಯುಧೋ ಜಗಜ್ಜೈತ್ರಃ ಶ್ರೀಧನೋ ದುಷ್ಟಮೋಹನಃ .. 165..

ದೈತ್ಯವೇದಬಹಿಷ್ಕರ್ತ್ತಾ ವೇದಾರ್ಥಶ್ರುತಿಗೋಪಕಃ .
ಶುದ್ಧೋದನಿರ್ನಷ್ಟದಿಷ್ಟಃ ಸುಖದಃ ಸದಸತ್ಪತಿಃ .. 166..

ಯಥಾಯೋಗ್ಯಾಖಿಲಕುಪಃ ಸರ್ವಶೂನ್ಯೋಽಖಿಲೇಷ್ಟದಃ .
ಚತುಷ್ಕೋಟಿಪೃಥಕ್ತತ್ತ್ವಂ ಪ್ರಜ್ಞಾಪಾರಮಿತೇಶ್ವರಃ .. 167..

ಪಾಷಂಡಶ್ರುತಿಮಾರ್ಗೇಣ ಪಾಷಂಡಶ್ರುತಿಗೋಪಕಃ .
ಕಲ್ಕೀ ವಿಷ್ಣುಯಶಃ ಪೂತಃ ಕಲಿಕಾಲವಿಲೋಪಕಃ .. 168..

ಸಮಸ್ತಮ್ಲೇಚ್ಛಹಸ್ತಘ್ನಃ ಸರ್ವಶಿಷ್ಟದ್ವಿಜಾತಿಕೃತ್ .
ಸತ್ಯಪ್ರವರ್ತ್ತಕೋ ದೇವದ್ವಿಜದೀರ್ಘಕ್ಷುಧಾಪಹಃ .. 169..

ಅವಗವಾದಿವೇದೇನ ಪೃಥ್ವೀದುರ್ಗತಿನಾಶನಃ .
ಸದ್ಯಃ ಕ್ಷ್ಮಾನಂತಲಕ್ಷ್ಮೀಕೃತ್ ನಷ್ಟನಿಃ ಶೇಷ ಧರ್ಮಕೃತ್ .. 170..

ಅನಂತಸ್ವರ್ಗಯಾಗೈಕಹೇಮಪೂರ್ಣಾಖಿಲದ್ವಿಜಃ .
ಅಸಾಧ್ಯೈಕಜಗಚ್ಛಾಸ್ತಾ ವಿಶ್ವವಂದ್ಯೋ ಜಯಧ್ವಜಃ .. 171..

ಆತ್ಮತತ್ತ್ವಾಧಿಪಃ ಕೃರ್ತೃಶ್ರೇಷ್ಠೋ ವಿಧಿರುಮಾಪತಿಃ .
ಭರ್ತುಃ ಶ್ರೇಷ್ಠಃ ಪ್ರಜೇಶಾಗ್ರ್ಯೋ ಮರೀಚಿಜನಕಾಗ್ರಣೀಃ .. 172..

ಕಶ್ಯಪೋ ದೇವರಾದಿಂದ್ರಃ ಪ್ರಹ್ಲಾದೋ ದೈತ್ಯರಾಟ್ ಶಶೀ .
ನಕ್ಷತ್ರೇಶೋ ರವಿಸ್ತೇಜಃ ಶ್ರೇಷ್ಠಃ ಶುಕ್ರಃ ಕವೀಶ್ವರಃ .. 173..

ಮಹರ್ಷಿರಾಟ್ ಭೃಗುರ್ವಿಷ್ಣುರಾದಿತ್ಯೇಶೋ ಬಲಿಃ ಸ್ವರಾಟ್ .
ವಾಯುರ್ವಹ್ನಿಃ ಶುಚಿಶ್ರೇಷ್ಠಃ ಶಂಕರೋ ರುದ್ರರಾಟ್ ಗುರುಃ .. 174..

ವಿದ್ವತ್ತಮಶ್ಚಿತ್ರರಥೋ ಗಂಧರ್ವಾಗ್ರ್ಯೋ ವಸೂತ್ತಮಃ .
ವರ್ಣಾದಿರಗ್ರ್ಯಾ ಸ್ತ್ರೀ ಗೌರೀ ಶಕ್ತ್ಯಗ್ರ್ಯಾ ಶ್ರೀಶ್ಚ ನಾರದಃ .. 175..

ದೇವರ್ಷಿರಾಟ್ ಪಾಂಡವಾಗ್ರ್ಯೋಽರ್ಜುನೋ ನಾರದವಾದರಾಟ್ .
ಪವನಃ ಪವನೇಶಾನೋ ವರುಣೋ ಯಾದಸಾಂಪತಿಃ .. 176..

ಗಂಗಾತೀರ್ಥೋತ್ತಮೋದ್ಭೂತಂ ಛತ್ರಕಾಗ್ರ್ಯವರೌಷಧಂ .
ಅನ್ನಂ ಸುದರ್ಶನಾಸ್ತ್ರಾಗ್ರ್ಯೋ ವಜ್ರಪ್ರಹರಣೋತ್ತಮಂ .. 177..

ಉಚ್ಚೈಃಶ್ರವಾ ವಾಜಿರಾಜಃ ಐರಾವತ ಇಭೇಶ್ವರಃ .
ಅರುಂಧತ್ಯೇಕಪತ್ನೀಶೋ ಹ್ಯಶ್ವತ್ಥೋಽಶೇಷವೃಕ್ಷರಾಟ್ .. 178..

ಅಧ್ಯಾತ್ಮವಿದ್ಯಾವಿದ್ಯಾತ್ಮಾ ಪ್ರಣವಶ್ಛಂದಸಾಂ ವರಃ .
ಮೇರುರ್ಗಿರಿಪತಿರ್ಭಾರ್ಗೋ ಮಾಸಾಗ್ರ್ಯಃ ಕಾಲಸತ್ತಮಃ .. 179..

ದಿನಾದ್ಯಾತ್ಮಾ ಪೂರ್ವಸಿದ್ಧಿಃ ಕಪಿಲಃ ಸಾಮವೇದರಾಟ್ .
ತಾರ್ಕ್ಷ್ಯಃ ಖಗೇಂದ್ರೋ ಋತ್ವಗ್ರ್ಯೋ ವಸಂತಃ ಕಲ್ಪಪಾದಪಃ .. 180..

ದಾತೃಶ್ರೇಷ್ಠಃ ಕಾಮಧೇನುರಾರ್ತಿಘ್ನಾಗ್ರ್ಯಃ ಸುರೋತ್ತಮಃ .
ಚಿಂತಾಮಣಿರ್ಗುರುಶ್ರೇಷ್ಠೋ ಮಾತಾ ಹಿತತಮಃ ಪಿತಾ .. 181..

ಸಿಂಹೋ ಮೃಗೇಂದ್ರೋ ನಾಗೇಂದ್ರೋ ವಾಸುಕಿರ್ಭೂಧರೋ ನೃಪಃ .
ವಣಶೋ ಬ್ರಾಹ್ಮಣಶ್ಚಾಂತಃ ಕರಣಾಗ್ರ್ಯಂ ನಮೋ ನಮಃ .. 182..

ಇತ್ಯೇತದ್ವಾಸುದೇವಸ್ಯ ವಿಷ್ಣೋರ್ನಾಮಸಹಸ್ರಕಂ .
ಸರ್ವಾಪರಾಧಶಮನಂ ಪರಂ ಭಕ್ತಿವಿವರ್ದ್ಧನಂ .. 183..

ಅಕ್ಷಯಬ್ರಹ್ಮಲೋಕಾದಿಸರ್ವಾರ್ಥಾಪ್ಯೇಕಸಾಧನಂ .
ವಿಷ್ಣುಲೋಕೈಕಸೋಪಾನಂ ಸರ್ವದು:ಖವಿನಾಶನಂ .. 184..

ಸಮಸ್ತಸುಖದಂ ಸತ್ಯಂ ಪರಂ ನಿರ್ವಾಣದಾಯಕಂ .
ಕಾಮಕ್ರೋಧಾದಿನಿಃಶೇಷಮನೋಮಲವಿಶೋಧನಂ .. 185..

ಶಾಂತಿದಂ ಪಾವನಂ ನೃಣಾಂ ಮಹಾಪಾತಾಕಿನಾಮಪಿ .
ಸರ್ವೇಷಾಂ ಪ್ರಾಣಿನಾಮಾಶು ಸರ್ವಾಭೀಷ್ಟಫಲಪ್ರದಂ .. 186..

ಸರ್ವವಿಘ್ನಪ್ರಶಮನಂ ಸರ್ವಾರಿಷ್ಟವಿನಾಶನಂ .
ಘೋರದುಃಸ್ವಪ್ನಶಮನಂ ತೀವ್ರದಾರಿದ್ರ್ಯನಾಶನಂ .. 187..

ತಾಪತ್ರಯಾಪಹಂ ಗುಹ್ಯಂ ಧನಧಾನ್ಯಯಶಸ್ಕರಂ .
ಸರ್ವೈಶ್ವರ್ಯಪ್ರದಂ ಸರ್ವಸಿದ್ಧಿದಂ ಸರ್ವಕಾಮದಂ .. 188..

ತೀರ್ಥಯಜ್ಞತಪೋದಾನವ್ರತಕೋಟಿಫಲಪ್ರದಂ .
ಅಪ್ರಜ್ಞಜಾಡ್ಯಶಮನಂ ಸರ್ವವಿದ್ಯಾಪ್ರವರ್ತ್ತಕಂ .. 189..

ರಾಜ್ಯದಂ ರಾಜ್ಯಕಾಮಾನಾಂ ರೋಗಿಣಾಂ ಸರ್ವರೋಗನುತ್ .
ವಂಧ್ಯಾನಾಂ ಸುತದಂ ಚಾಶು ಸರ್ವಶ್ರೇಷ್ಠಫಲಪ್ರದಂ .. 190..

ಅಸ್ತ್ರಗ್ರಾಮವಿಷಧ್ವಂಸೀ ಗ್ರಹಪೀಡಾವಿನಾಶನಂ .
ಮಾಂಗಲ್ಯಂ ಪುಣ್ಯಮಾಯುಷ್ಯಂ ಶ್ರವಣಾತ್ ಪಠನಾಜ್ಜಪಾತ್ .. 191..

ಸಕೃದಸ್ಯಾಖಿಲಾ ವೇದಾಃ ಸಾಂಗಾ ಮಂತ್ರಾಶ್ಚ ಕೋಟಿಶಃ . .
ಪುರಾಣಶಾಸ್ತ್ರಂ ಸ್ಮೃತಯಃ ಪಠಿತಾಃ ಪಠಿತಾಸ್ತಥಾ .. 192..

ಜಪ್ತ್ವಾಸ್ಯ ಶ್ಲೋಕಂ ಶ್ಲೋಕಾರ್ಧಂ ಪಾದಂ ವಾ ಪಠತಃ ಪ್ರಿಯೇ .
ನಿತ್ಯಂ ಸಿಧ್ಯತಿ ಸರ್ವೇಷಾಮಚಿರಾತ್ಕಿಮುತೋಽಖಿಲಂ .. 193..

ಪ್ರಾಣೇನ ಸದೃಶಂ ಸದ್ಯಃ ಪ್ರತ್ಯಹಂ ಸರ್ವಕರ್ಮಸು .
ಇದಂ ಭದ್ರೇ ತ್ವಯಾ ಗೋಪ್ಯಂ ಪಾಠ್ಯಂ ಸ್ವಾರ್ಥೈಕಸಿದ್ಧಯೇ .. 194..

ನಾವೈಷ್ಣವಾಯ ದಾತವ್ಯಂ ವಿಕಲ್ಪೋಪಹೃತಾತ್ಮನೇ .
ಭಕ್ತಿಶ್ರದ್ಧಾವಿಹೀನಾಯ ವಿಷ್ಣುಸಾಮಾನ್ಯದರ್ಶಿನೇ .. 195..

ದೇಯಂ ಪುತ್ರಾಯ ಶಿಷ್ಯಾಯ ಶುದ್ಧಾಯ ಹಿತಕಾಮ್ಯಯಾ .
ಮತ್ಪ್ರಸಾದಾದೃತೇ ನೇದಂ ಗ್ರಹಿಷ್ಯಂತ್ಯಲ್ಪಮೇಧಸಃ .. 196..

ಕಲೌ ಸದ್ಯಃ ಫಲಂ ಕಲ್ಪಗ್ರಾಮಮೇಷ್ಯತಿ ನಾರದಃ .
ಲೋಕಾನಾಂ ಭಾಗ್ಯಹೀನಾನಾಂ ಯೇನ ದುಃಖಂ ವಿನಶ್ಯತಿ .. 197..

ಕ್ಷೇತ್ರೇಷು ವೈಷ್ಣವೇಷ್ವೇತದಾರ್ಯಾವರ್ತ್ತೇ ಭವಿಷ್ಯತಿ .
ನಾಸ್ತಿ ವಿಷ್ಣೋಃ ಪರಂ ಸತ್ಯಂ ನಾಸ್ತಿ ವಿಷ್ಣೋಃ ಪರಂಪದಂ .. 198..

ನಾಸ್ತಿ ವಿಷ್ಣೋ ಪರಂ ಜ್ಞಾನಂ ನಾಸ್ತಿ ಮೋಕ್ಷೋ ಹ್ಯವೈಷ್ಣವಃ .
ನಾಸ್ತಿ ವಿಷ್ಣೋಃ ಪರೋ ಮಂತ್ರೋ ನಾಸ್ತಿ ವಿಷ್ಣೋಃ ಪರಂ ತಪಃ .. 199..

ನಾಸ್ತಿ ವಿಷ್ಣೋ ಪರಂ ಧ್ಯಾನಂ ನಾಸ್ತಿ ಮಂತ್ರೋ ಹ್ಯವೈಷ್ಣವಃ .
ಕಿಂ ನಾಸ್ಯ ಬಹುಭಿರ್ಮಂತ್ರೈಃ ಕಿಂ ಜಪೈರ್ಬಹುವಿಸ್ತರೈಃ .. 200..

ವಾಜಪೇಯಸಹಸ್ರೈಃ ಕಿಂ ಭಕ್ತಿರ್ಯಸ್ಯ ಜನಾರ್ದನೇ .
ಸರ್ವತೀರ್ಥಮಯೋ ವಿಷ್ಣುಃ ಸರ್ವಶಾಸ್ತ್ರಮಯಃ ಪ್ರಭು .. 201..

ಸರ್ವಕ್ರತುಮಯೋ ವಿಷ್ಣುಃ ಸತ್ಯಂ ಸತ್ಯಂ ವದಾಮ್ಯಹಂ .
ಆಬ್ರಹ್ಮಸಾರಸರ್ವಸ್ಯ ಸರ್ವಮೇತನ್ಮಯೋದಿತಂ .. 202..

ಶ್ರೀಪಾರ್ವತ್ಯುವಾಚ-
ಧನ್ಯಾಸ್ಮ್ಯನುಗೃಹಿತಾಸ್ಮಿ ಕೃತಾರ್ಥಾಸ್ಮಿ ಜಗತ್ಪತೇ .
ಯನ್ಮಯೇದಂ ಶ್ರುತಂ ಸ್ತೋತ್ರಂ ತ್ವದ್ರಹಸ್ಯಂ ಸುದುರ್ಲಭಂ .. 203..

ಅಹೋ ಬತ ಮಹತ್ಕಷ್ಟಂ ಸಮಸ್ತ ಸುಖದೇ ಹರೌ .
ವಿದ್ಯಮಾನೇಽಪಿ ಸರ್ವೇಶೇ ಮೂಢಾಃ ಕ್ಲಿಶ್ಯಂತಿ ಸಂಸೃತೌ .. 204..

ಯಮುದ್ದಿಶ್ಯಸದಾ ನಾಥೋ ಮಹೇಶೋಽಪಿ ದಿಗಂಬರಃ .
ಜಟಿಲೋ ಭಸ್ಮಲಿಪ್ತಾಂಗಸ್ತಪಸ್ವೀ ವೀಕ್ಷಿತೋ ಜನೈಃ .. 205..

ಅತೋಽಧಿಕೋ ನ ದೇವೋಽಸ್ತಿ ಲಕ್ಷ್ಮೀಕಾಂತಾನ್ಮಧುದ್ವಿಷಃ .
ಯತತ್ವಂ ಚಿಂತ್ಯತೇ ನಿತ್ಯಂ ತ್ವಯಾ ಯೋಗೀಶ್ವರೇಣ ಹಿ .. 206..

ಅತಃಪರಂ ಕಿಮಧಿಕಂ ಪದಂ ಶ್ರೀಪುರುಷೋತ್ತಮಾತ್ .
ತಮವಿಜ್ಞಾಯ ತಾನ್ ಮೂಢಾ ಯಜಂತೇ ಜ್ಞಾನಮಾನಿನಃ .. 207..

ಮುಷಿತಾಸ್ಮಿ ತ್ವಯಾ ನಾಥ ಚಿರಂ ಯದಯಮೀಶ್ವರಃ .
ಪ್ರಕಾಶಿತೋ ನ ಮೇ ಯಸ್ಯ ದತ್ತಾದ್ಯಾ ದಿವ್ಯಶಕ್ತಯಃ .. 208..

ಅಹೋ ಸರ್ವೇಶ್ವರೋ ವಿಷ್ಣುಃ ಸರ್ವದೇವೋತ್ತಮೋತ್ತಮಃ .
ಭವದಾದಿಗುರುರ್ಮೂಢೈಃ ಸಾಮಾನ್ಯ ಇವ ಲಕ್ಷ್ಯತೇ .. 209..

ಮಹೀಯಸಾಂ ಹಿ ಮಾಹಾತ್ಮ್ಯಂ ಭಜಮಾನಾನ್ ಭಜಂತಿ ಚೇತ್ .
ದ್ವಿಷತೋಽಪಿ ತಥಾ ಪಾಪಾನುಪೇಕ್ಷ್ಯಂತೇ ಕ್ಷಮಾಲಯಾಃ .. 210..

ಮಯಾಪಿ ಬಾಲ್ಯೇ ಸ್ವಪಿತುಃ ಪ್ರಜ್ಞಾ ದೃಷ್ಟಾ ಬುಭುಕ್ಷಿತಾಃ .
ದುಖಾದಶಕ್ತಾಃ ಸ್ವಂ ಪೋಷ್ಟುಂ ಶ್ರಿಯಾ ನಾಧ್ಯಾಸಿತಾಃ ಪುರಾ .. 211..

ತ್ವಯಾ ಸಂವರ್ಧಿತಾಭಿಶ್ಚ ಪ್ರಜಾಭಿರ್ವಿಬುಧಾದಯಃ .
ವಿಸಸದ್ಭಿಃ ಸ್ವಶಕ್ತ್ಯಾದ್ಯಾಃ ಸಮುಹೃನ್ಮಿತ್ರಬಾಂಧವಾಃ .. 212..
ತ್ವಯಾ ವಿನಾ ಕ್ವ ದೇವತ್ವಂ ಕ್ವ ಧೈರ್ಯಂ ಕ್ಯ ಪರಿಗ್ರಹಃ .
ಸರ್ವೇ ಭವಂತಿ ಜೀವಂತೋ ಯಾತನಾಃ ಶಿರಸಿ ಸ್ಥಿತಾಃ .. 213..

ನಾಮೃತೇ ನೈವ ಧರ್ಮಾರ್ಥೌ ಕಾಮೋ ಮೋಕ್ಷೋಽಪಿ ದುರ್ಲಭಃ .
ಕ್ಷುಧಿತಾನಾಂ ದುರ್ಗತಾನಾಂ ಕುತೋ ಯೋಗಸಮಾಧಯಃ .. 214..

ಸಾ ಚ ಸಂಸಾರಸಾರೈಕಾ ಸರ್ವಲೋಕೈಕಪಾಲಿಕಾ .
ವಶ್ಯಾ ಸಾ ಕಮಲಾ ಯಸ್ಯ ತ್ಯಕ್ತ್ವಾ ತ್ವಾಮಪಿ ಶಂಕರಃ .. 215..

ಶ್ರಿಯಾ ಧರ್ಮೇಣ ಶೌರ್ಯೇಣ ರೂಪೇಣಾರ್ಚವಸಂಪದಾ .
ಸರ್ವಾತಿಶಯವೀರ್ಯೇಣ ಸಂಪೂರ್ಣಸ್ಯ ಮಹಾತ್ಮನಃ .. 216..

ಕಸ್ತೇನ ತುಲ್ಯತಾಮೇತಿ ದೇವದೇವೇನ ವಿಷ್ಣುನಾ .
ಯಸ್ಯಾಂಶಾಂಶಕಭಾಗೇನ ವಿನಾ ಸರ್ವ ವಿಲೀಯತೇ .. 217..

ಜಗದೇತತ್ತಥಾ ಪ್ರಾಹುರ್ದೋಷಾಯೈತದ್ವಿಮೋಹಿತಾಃ .
ನಾಸ್ಯ ಜನ್ಮ ಜರಾ ಮೃತ್ಯುರ್ನಾಪ್ರಾಪ್ಯಂ ವಾರ್ಥಮೇವ ವಾ .. 218..

ತಥಾಪಿ ಕುರುತೇ ಧರ್ಮಾನ್ ಪಾಲನಾಯ ಸತಾಂ ಕೃತೇ .
ವಿಜ್ಞಾಪಯ ಮಹಾದೇವ ಪ್ರಣಮ್ಯಕಂ ಮಹೇಶ್ವರಂ .. 219..

ಅವಧಾರ್ಯ ತಥಾ ಸಾಹಂ ಕಾಂತ ಕಾಮದ ಶಾಶ್ವತ .
ಕಾಮಾದ್ಯಾಸಕ್ತಚಿತ್ತತ್ವಾತ್ ಕಿಂ ತು ಸರ್ವೇಶ್ವರ ಪ್ರಭೋ .. 220..

ತ್ವನ್ಮಯತ್ವಾತ್ಪ್ರಸಾದಾದ್ವಾ ಶಕ್ನೋಮಿ ಪಠಿತುಂ ನ ಚೇತ್ .
ವಿಷ್ಣೋಃ ಸಹಸ್ರನಾಮೈತತ್ಪ್ರತ್ಯಹಂ ವೃಷಭಧ್ವಜ ..
ನಾಮ್ನೈಕೇನ ತು ಯೇನ ಸ್ಯಾತ್ತತ್ಫಲಂ ಬ್ರೂಹಿ ಮೇ ಪ್ರಭೋ .. 221..

ಶ್ರೀಮಹಾದೇವ ಉವಾಚ-
ರಾಮ ರಾಮೇತಿ ರಾಮೇತಿ ರಮೇರಾಮೇ ಮನೋರಮೇ .
ಸಹಸ್ರನಾಮಭಿಸ್ತುಲ್ಯಂ ರಾಮನಾಮ ವರಾನನೇ .. 222..

ಅಥ ಸರ್ವಾಣಿ ತೀರ್ಥಾನಿ ಜಲಂಚೈವ ಪ್ರಯಾಗಜಂ .
ವಿಷ್ಣೋರ್ನಾಮಸಹಸ್ರಸ್ಯ ಕಲಾಂ ನಾರ್ಹಂತಿ ಷೋಡಶೀಂ .. 223..

.. ಇತಿ ಶ್ರೀನಾರದಪಂಚರಾತ್ರೇ ಜ್ಞಾನಾಮೃತಸಾರೇ ಚತುರ್ಥರಾತ್ರೇ
ಪಾರ್ವತೀಶಿವಸಂವಾದೇ ಶ್ರೀವಿಷ್ಣೋರ್ನಾಮಸಹಸ್ರಂ ಸಂಪೂರ್ಣಂ ..

Vishnu Sahasranamam Benefits in Kannada / ವಿಷ್ಣು ಸಹಸ್ರನಾಮದ ಪ್ರಯೋಜನಗಳು

• ವಿಷ್ಣು ಸಹಸ್ರನಾಮ ಸ್ತೋತ್ರವನ್ನು ಪಠಿಸುವುದರಿಂದ ಜನರು ಭಗವಾನ್ ಶ್ರೀ ಹರಿವಿಷ್ಣುವಿನ ವಿಶೇಷ ಅನುಗ್ರಹವನ್ನು ಪಡೆಯುತ್ತಾರೆ.
• ನೀವು ಪ್ರತಿದಿನ ಬೆಳಿಗ್ಗೆ ವಿಷ್ಣು ಸಹಸ್ರನಾಮವನ್ನು ಪಠಿಸಿದರೆ ನಿಮ್ಮ ಪ್ರಾರ್ಥನೆಯು ನಿರೀಕ್ಷೆಗಿಂತ ಬೇಗ ಭಗವಂತನನ್ನು ತಲುಪುತ್ತದೆ.
• ವಿಷ್ಣುವಿನ ಸಾವಿರ ನಾಮಗಳ ಪಠಣವು ಒಳ್ಳೆಯತನ, ಆನಂದ, ಶಾಂತಿ ಮತ್ತು ಆತನ ಆಶೀರ್ವಾದವನ್ನು ಆಕರ್ಷಿಸುತ್ತದೆ ಎಂದು ಹೇಳಲಾಗುತ್ತದೆ.
• ನಿಮ್ಮ ಮನೆಯಲ್ಲಿ ಉತ್ತಮ ಶಕ್ತಿ ಬೇಕಾದರೆ ನೀವು ವಿಷ್ಣು ಸಹಸ್ರನಾಮವನ್ನು ಪೂರ್ಣ ಭಕ್ತಿಯಿಂದ ಪಠಿಸಬೇಕು.
• ಈ ದೈವಿಕ ಸ್ತೋತ್ರವು ನಿಮ್ಮ ಜೀವನದಲ್ಲಿ ಶಕ್ತಿ ಮತ್ತು ಶಕ್ತಿಯನ್ನು ಇಡುತ್ತದೆ.
• ನೀವು ಮಾನಸಿಕ ಒತ್ತಡ ಮತ್ತು ದೈಹಿಕ ಕಾಯಿಲೆಯಿಂದ ಮುಕ್ತರಾಗಲು ಬಯಸಿದರೆ ಈ ಸ್ತೋತ್ರವು ನಿಮಗಾಗಿ ಉತ್ತಮ ಪರಿಹಾರಗಳಲ್ಲಿ ಒಂದಾಗಿದೆ.

To ವಿಷ್ಣು ಸಹಸ್ರನಾಮ ಸ್ತೋತ್ರ PDF Download / Vishnu Sahasranamam PDF in Kannada Download, you can click on the following download button.